Bausch: Pokemon Go am Auto -> Auto an Telefon konfiskéiert!

PrintAn der üblecher Logik vun eiser Regierung an dem Transportminister, sin nom Akkzident vu gëschter moien zu Esch, wou ee Jonken Erwuessenen sech mat sengem Auto iwwerschloen huet, well hien Pokemons iwwert dem fuere fänke wollt, direkt Moossname geholl gi fir weider Akkzidenter an dem Kontext de verhënneren.
De Minister Bausch sot dozou:
  • “Wann ee mat 200km/h an e Rondpoint flitt an do an eng Mauer rennt, gëtt d’Mauer ewechgeholl an de Rondpoint an nächster Zukunft zu enger Kräizung mat roude Luuchten ëmgebaut.
  • Wann ee mat 200km/h an e Rondpoint flitt an do leie bleift, an awer keng Mauer do ass, gëtt ee Radar opgestallt.
  • Wann ee mat 200km/h op enger Landstrooss an ee Bam flitt, ginn all d’Beem ewechgeholl.
Nom Akkzident, wou een Auto sech iwwerschloen huet well de Chauffeur Pokemon go gespillt huet, hunn ech décidéiert, datt wann een zu Lëtzebuerg erwëscht gëtt, wéi een iwwert dem Fuere Pokemon Go spillt, een den Telefon an den Auto ewechgeholl kritt an op Liewenszäit bei alle Lëtzebuerger Telefons an Internet Provider gespaart gëtt.”
Déi Moossnahme trieden ab dem Méindeg den 18. Juli a Kraaft.
D’Radaren ginn elo de Weekend ëmgerëcht, datt si och erkennen, ob ee Pokemon Go spillt.  Duefier gëtt eng nei Technik agesat, déi all Transmissioun vum Handy kann interceptéieren.  Wann do gemierkt gëtt, datt um Handy Pokemon Go leeft, gëtt automatesch den Auto geblëtzt an d’Telefonsnummer vum Chauffeur souwéi d’Foto vum Auto bei d’Police iwwerdroen. Do gëtt dat alles direkt iwwerpréift an dann kontaktéiert d’Police den Telefonsprovider (Post, Tango, Orange, Join etc.) an deen spärt den Telefon an den Internet innerhalb vun enger Stonn.
An engems gëtt direkt eng Dépanneuse an eng Police Patrouille op d’Adresse vum Besëtzer vum Auto geschéckt a waart do bis de schëllege Chauffeur ukënnt fir den Auto an den Telefon direkt matzehuelen.
D’Autoen an d’Telefonen ginn dann ee mol am Mount versteet and den Erléiss gett benotzt fir d’Stroosseluuchten, déi virun 2 Joer op den Autobunnen oofgesät gouffen erem nei dohinnzestellen.
Facebooktwitterredditpinterestlinkedinmail

  9 comments for “Bausch: Pokemon Go am Auto -> Auto an Telefon konfiskéiert!

  1. 17/07/2016 at 09:23

    Ech fannen et eng Sauerei weivil pokemons zu letzebuerg Asyl ugefrot hun. An ech fannen et tiptop dass esouvill lait probeieren se anzefänken. Ech sin der Meenung dass all Bierger vu Letyebuerg iwer 70 Joer eng Radarspistole sollt kreien. Dann hätt den Spuk do en Enn!

  2. romain
    18/07/2016 at 09:16

    Fannen daat nemmen riichteg esou. Mol eng keier eng gudd initiative.

  3. Peter Freitag
    18/07/2016 at 11:30

    Erm also wien mat 200km/h op der Landstrooss an e Baam flitt gehéiert falls net an d’Doudelued, dann awer ganz sëcher op “Hanner-Schieren” . Ech gesinn net an firwat d’Ieselzechtkeet vun engem Mënsch soll X Beem d’Liewe kaschten. Dat ass di falsch Logik. Et kann een net verhënneren datt d’Leit e Baam benotzen fir sëch d’Liewen ze huelen oder mir huelen se all e eweg. Haalt op d’Beem dofir zé bestrofen, datt se do stinn an d’Idiotie vu muncher Mënsch mussen iwwert sëch ergoe loossen.

  4. Luc
    18/07/2016 at 11:46

    Waat aass dann wann den Beischoffer pokemon spielt ?

  5. Lorenzetti
    18/07/2016 at 12:39

    Tip Top dat ass riichteg an en deeken Protokol

  6. Sven
    18/07/2016 at 15:53

    Net weit iwerluecht dat do.. wat ass wann den beifuehrer spillt?

  7. Joseppel
    19/07/2016 at 22:50

    Dann awer och oppasssen op den Fuerer spillt oder den Baifuerer, soss gedd daat awer quatschg mat aerem welles, soss sinn ech fier den recht och der meenung dass dlait mol checken sollten dass se hier patten vum handy lossen sollen wärend se fuerem mee meedescher lo mol serieux, fw elo reicht? Fw Pokemon Go als Argument huelen? Et gin souvill Pajassen den wärend dem Fueren Telefoneiren oder Whatsappen, fw maacht da dogeint naicht? Well um händy hänken as emmer nach um händy hänken ganz egal waat een meet oder spillt, dofier, wann dier schon appes richteg maan welld dann maacht et och zu 100% an blockt direkt sämmtlech komunikatounsmeiglechkeeten oder sos irgendwei awer och dann nemmen wann et den Chaufeur as deen den fehler baut, mercie fier ärt verstehs du mech

  8. 06/07/2017 at 10:40

    Telefon an Internet spären ass rechtswidreg , well et geint d’Informatiounsfräiheet versteisst , spillen mer elo well Neue-Welt-Ordnung , där Brachkäpp ??? Et mierkt een datt dei lenksgespullt Politiker keng Oarbescht hunn , wann se Zäit hun fir esou een Kabes auszebréien , awer dat mam Auto ass ok , mais privat alles spären versteisst eindeuteg geint gülteg Menschenrechter , oder sinn mer schon an enger hitlerdiktatur no Modell DDR 2 , dat misst eis dann awer matgedeelt gin !!!! Mer loossen eis dach net eis gewonnen Fräiheeten vun esou Brachkäpp zersteieren , an wou sinn mer hei ? ! Wou sin dann mol Leit dei esisen korrupten Politiker mol op den zand fillen ??? Kuscht der all virun deenen Päifen ?? Ech wielen guer näischt zu letzebuerg , well eis Wahlen sinn souwiesou manipuleiert , kennen mer jo , well all Wahlrecht , wat als solches proklameiert get , ass nemmen Makulatur , an hannert eisem Reck asss et esou , dass eng Wahl vun deenen bestemmt get , dei se auszielen , an alles wat net der lenker Gesennungsdiktatur entsprecht , get entfernt , dat ass Fakt . mais riets kennen mer jo och net wielen , well dat jo per se zu Letzebuerg verbueden ass an duerfir kann een jo nemmen lenks wielen , wei an kommunisteschen Staaten , an duerfir wielen ech guer net , well ech hun keng lenks Gesennung , ären Pech . Meng Wahlziedelen gin blank an d’Urne , an nach eppes , däer politesch Möchtegern-Elite , ech muss feststellen , dass daer vill Analphabeten unstellt fir är Wahlpropaganda ze verdeelen . Well wei ass et soss meiglech , dass , wann op menger Breifkescht Opkleber drop sin , wou kloer defineiert ass , datt ech keng letzebuergesch Wahlpropaganda well , an aerch all souwiesou net wielen , an datt meng Breifkescht keng lenkspolitesch Dreckskescht ass , datt ech awer all Dag aer schäiss lenks Propaganda dran leien hun ? Wann der net liesen an schreiwen kennt , dann musst der mer dat matdeelen , dann molen ech aerch et drop . Gehait aer lenks Propaganda an dei schwaarz Dreckskescht an feiert se op Leideleng bei Sidor , do ass se gutt opgehuewen .

  9. 06/07/2017 at 10:54

    Nach eppes : Vu , datt mer jo hei zu Letzebuerg nie daerfen eng richteg Rietspartei hun , an duerfir vill Leit jo net kennen wielen wat se wellen , an daer sougenannter demokratescher Demokratie ( DDR ) , kennen jo Leit wei ech net hiert Wahlrecht ausüben , wat eis jo angeblech laut Gesetz zousteet , well dat jo vun deenen mat Lenker Gesennung ennerdreckt an verbueden get , geif ech eis Regierung bieden , mer mäin Wahlrecht oafzehuelen , ech brauch et jo net , wat machen ech dann domat !? Wann ech net dat daerf wielen wat ech well an wat d’Menschenrechter mer awer garanteieren , dann well an brauch ech keen Wahlrecht , well ech wielen NIEMOLS LENKS , just fir dat mol ze soen . Op dat aerch passt ass mer schäissegal , well aer lenkgreng Politik passt mer och net !

Leave a Reply